الأطفال خارج المنزل - نصائح لخروجة سعيدة مع أطفالك

خروج بالاطفال ! نستمتع و نرجع مبسوطين بين الحقيقه و الخيال!!

ماهو احتياج الأطفال خارج البيت ؟

• الأطفال بالفتره تميل إلي الخروج من المنزل و كسر الروتين  للتنزه في الاماكن الواسعه كالحدائق و مناطق الالعاب .
• الاطفال اللي مش بيخرجوا كتير بيضطرو لتفريغ طاقتهم علي الشاشات و تحويل طاقتهم لكسل متراكم . 
• التكنولوجيا و تطورها الدائم غيروا من طبيعه الإستمتاع بالوقت من الخروج و اللعب إلي ملازمه الموبايلات و الألعاب الإلكترونيه . 
• أمهات كتير بتفضل البقاء في المنزل عن الخروج و مشاكله و ترك الموبايلات للأطفال .

 الواقع مرير ؛ الأطفال بتتعرض لمشاكل عديده اشهرها التوحد، صعوبه و تأخر الكلام، إنطواء و خجل زائد، الحقيقه في هذا الوقت أن الأم تصنع قنبله مقوته من المشاكل . بسبب عدم خروج أطفالها من المنزل وإنها بتسيبهم قدام شاشات الموبايل واللابتوب .

فوائد الخروج من البيت للأطفال

• الطفل اللي بيقضي وقته في أماكن مفتوحه و بها ألعاب بيكون أذكي و أسعد و سريع البديهه و أقل توتر من الطفل الملازم للمنزل أو الاجهزه الالكترونيه .
• الخروج بيعرض الطفل للكثير من المواقف اللي بتبني شخصيته و ثقته في نفسه .
• الخروج بيزود الإبداع و التخيل عند الطفل .
• الخروج بيعام الطفل تحمل المسؤليه .
• الخروج بيزود من نشاط الطفل و تجنب الكسل . 

- أمهات كنير بتفقد أعصابها مع الأطفال خارج المنزل، أنا مش هبسط الموضوع و أقول إنه سهل لا هو مش سهل خالص بس التنظيم و التنوع بيسهله فعلا، يعني مثلا لو الطفل واخد كفايته من الطعام و النوم الخروج بيكون أسهل .
- الاطفال من عمر ٣ سنين تقريبا لازم يكون في إتفاقات بينكم قبل الخروج علي التعامل خارج المنزل .
- الأم بتحتاج تشحن طاقتها الإيجابيه يوميا و تفرغ طاقتها السلبيه عشان تعيش مبسوطه و عندها قدره علي العطاء المستمر .

نصائح للخروج مع الأطفال خارج البيت

• شنطه الطفل جاهزه من مجاميعه .
• الطفل يكون شبعان , حتي لو رايحين تتغدوا .
• انتي اكتر واحده عارفه ابنك، تجنبي الاسباب اللي بتضايقه و تثير أعصابه .
• ابعدي عن اماكن المدخنين، لأنها بتضايق الطفل و تنرفزه و إنتي مش حاسه .
• في حال أن الطفل يكون واعي و مدرك لازم يكون في اتفاق و حوار قبل الخروج من البيت، بمعني يكون علي درايه باليوم هيمشي ازاي ، هتعملو إيه بره ، التصرفات الحلوه جزائها إيه و الغلط جزائها إيه .

وضع حدود لسلوكيات طفلك خارج البيت

• إختاري المواقف اللي تقفي عندها عشان تكون مؤثره .
• سياسه تجنب المشاكل؛ إنتي كأم أكتر واحده عارفه إبنك فنجنبي المواقف المثيره للأعصاب .
• خليكي هاديه و احتويه بحضن الموقف هيتغير خالص. اسمعي الطفل بعنايه و خليه يحس بده كويس .
• دايما اشرحي القواعد اللي عايزه الطفل يمشي عليها . لان هوا مش ساحر علشان يفهمك من غير ماتكلميه وتعرفيه .
• خليكي دبلوماسيه دايما: خليه يختار من الحاجات الاي انتي بتحدديها .
• خلي عندك بدائل دايما . لأي موقف أو اي مشكله خلي عندك البدايل علشان تقدري تحلي المشكله في نفس الوقت .
• قافه ال   Timeouts .
• خلي زعلك حاجه غاليه عند طفلك . يعني ماتزعليش ولا تغضبي لأي سبب غير لو يستدعي ده , علشان لما تزعلي الطفل يعرف انه عمل حاجه غلط فعلا . 
• تجنبي الصريخ في وجه الطفل لانه نتائجه ممكن تكون وقتيه فقط و لكن سرعان ما هيعتاد عليه و هيصبح بلا فائده .

اخيرا الوقايه خير من العلاج

• يعني ابعدي عن مسببات المشاكل ، و تحاشيها، لو الطفل جعان اكليه، تعبان نيميه هو ملوش ذنب إنكم خارجين . ومفيش مانع الخروج كل فتره بدون الاطفال و ذلك لكسر الروتين. في حال بكاء او زهق الطفل بدون اسباب واضحه يمكن اللجوء إلي التجاهل .
• في بعض الاوقات : العقاب بيكون في العوده إلي المنزل او سحب بعض الألعاب هو الحل المثالي .
• إختيار الأماكن المناسبه الخروج بالأطفال يختصر الكثير من المشاكل .
• المشاكل اللي بتقابلك في الخروج مع طفلك مهما كانت يمكن السطره عليها و اسهل كثيرا من المشاكل المصاحبه للاستسلام للموبايلات .