اسمرار البشرة في الاماكن الحساسه من المشاكل اللي بتسبب لبنات كتير عقد وممكن توصل انها كمان تأثر علي ثقتهم بنفسهم ..بس مشكلة زي دي لها حل، كل اللي عليكي الاول تعرفي سبب المشكلة دي ايه وبعد كده هنقولك علي اكتر من طريقة للعلاج وتختاري انسب حاجه ليكي ايه ..
سبب إسمرار المناطق الحساسة في الجسم
- لو مش بتهتمي نظافتك الشخصية وخصوصا في فترة االصيف أو مش بتغيري الفوطة الصحية بإستمرار في فترة الدورة .
- لو ملابسك الداخلية مش قطن هتولد حرارة مع الحركه وبكده مش هتمتص العرق وهتإثر علي لون البشرة .
- في انواع معنية من مزيلات العرق بتسد مسام البشرة وتمنع البشرة انها تتنفس وبالتالي البشرة بتسمر بسبب تراكم العرق .
- استخدامك لشفرة الحلاقة في الاماكن الحساسة غلط كبير وخصوصاً لو استخدمتيها بطريقة مش صح ممكن تسبب جروح ولما تلتئم الجروح دي بتكون خطوط او بقع غامقه .
- وفي حالات بتكون بسبب خلال هرموني بيإثر علي لون البشرة فلو لاحظتي تغير في لون بشرتك وبشكل مفاجيء وبيزيد لازم فوراً تستشيري دكتور.
طب وايه الحل ؟ في اكتر من حل هنبدأ بإسهل وابسط طريقة فيهم ركزي معايا ...
وصفات لتفتيح وتبييض المناطق الحساسة
تفتيح المناطق الحساسة بالليمون
عصير الليمون والجلسرين وماء الورد : مش بس هيفتح بشرتك وتخلصي من البقع الغامقه كمان هيساعد ان البشرة تكون رطبة وناعمة . ودي طريقة الاستعمال :- خليط من التلات مكونات بكميات متساوية حسب الكمية اللي يحتاجها جسمك .
- تعملي تدليك لجلدك في الاماكن اللي فيها غمقان .
- يفضل يكون بليل قبل النوم والصبح تغسلي جسمك كويس جدا بمياه فاتره .
تفتيح المناطق الحساسة بالاولفيرا
چل الصبار : بيفتح الاماكن الغامقه بشكل سريع وكمان بيعمل ترطيب عالي جدا ومع فيتامين E النتيجه هتكون الضعف وخصوصا ان فيتامين E بيدي نضاره للبشرة غير انه بيشتغل علي تفتيحها .. ودي طريقة الاستعمال :- حطي كمية مناسبه من چل الصبار حسب الكمية اللي يحتاجها جسمك .
- مع نص الكمية دي من فيتامين E يعني لو هتحطي معلقه چل صبار يكون معاها نص معلقه فيتامين E وهكذا .
- الخليط تستني عليه علي بشرتك لحد ما يجف وبعد كده تغسليه بمياه فاتره كويس جدا .
تفتيح المناطق الحساسة بقشر البرتقال والعسل
معروف ان البرتقال في نسبه كبيرة من فيتامين c اللي بيساعد علي تفتيح البشرة بشكل كبير وطبعا كمان العسل هيساعد في عملية التفتيح ومش بس كده كمان هيدي ترطيب عالي للبشرة . وطريقة الاستعمال :- اخلطي معلقة من قشور برتقال و معلقة عسل او حسب ما يحتاج جسمك .
- بعد كده تدلكي المناطق الغامقة بالخليط .
- تستني لمده 15 دقيقة وبعد كده تغسلي بمياه فاتره كويس جدااا .
تفتيح المناطق الحساسة بالبطاطس والطماطم والعسل
النوع ده هيكون مناسب جدا مع البشرة الحساسه ، معروف ان اابطاطس والطماطم من المكونات اللي بتساعد علي تفتيح البشرة والعسل هيكون مضاد للبكتيريا وكمان هيساعد علي ترطيب البشرة .- هتستخدمي الخليط لمدة ربع ساعه .
- تستني لحد ما يجف وبعد كده تغسليه بمياه فاتره .
تفتيح المناطق الحساسة بالليمون والسكر والعسل
النوع ده هتستفادي منه في انك هتعملي تقشير لجسمك يعني هتشيلي الجلد الميت من الاساس هتفتحي وترطبي وتناعمي بشرتك وهتخلصي من الغمقان بشكل نهائي وهتوحدي لون بشرتك كمان .- اعملي مزيج من السكر تلات معالق كبار مع نص معلقه لمون وعسل .
- ابدأي تعملي تدليك للاماكن الغامقه بس بلطف .
- استني علي الخليط لمده 5 دقائق وبعد كده اغسليه بمياه فاتره .
طبعا معروف ان الخلطات الطبيعية بتقعد فتره عشان تجيب مفعول وفي بنات كتير بتكون محتاجه حل يكون سريع وفي نفس الوقت مفعوله يكون قوي ولو انتي من بينهم تعالي شوفي الطريقة الثانية .
كريمات تفتيح المناطق الحساسة
ودي أفضل كريمات تفتيح المناطق الحساسة وتبييضها , وسنقوم بشرحها بشكل مفصل فيما بعد :- كريم بيتادين
- كريم و مقشر بيجمانورم
- كريم بيزلين
- كريم ميلانو فري
- كريم جيسوليد والنشا وماء الورد
والأن سنشرح لكي كل نوع من أنواع الكريمات وكيفية استخدامهم ..
كريم بيتادين لتفتيح المناطق الحساسة
بيفتح الاماكن الحساسة الغامقة بشكل سريع لكن مفعوله قوي لازم تستشيري الدكتور الخاص بيكي قبل ما تستخدميه .
طريقة الإستخدام :
- تقومي بتنظيف المنطقة الحساسة كويس جدا قبل ما تستخدمي الكريم .
- قومي بتدليك المكان بالكريم بلليل بس .
- الصبح تغسليها بمياه فاتره كويس جدا .
- وتسخدميه مرتين في الاسبوع .
كريم و مقشر بيجمانورم لتفتيح المناطق الحساسة
الكريم بيساعد علي تقليل مادة الميلانين اللي بتساعد علي تلوين الجلد وبالتالي هتساعد في ان البشرة لونها يفتح ... وكمان بيقوم بتقشير البشرة ويشيل كل الخلايا الميته في المناطق الحساسه ويجدد خلاياها .
طريقة الاستخدام :
- قومي بتنظيف المنطقة الحساسة كويس جدا .
- وبعد كده تدلكي الكريم بلطف .
- لازم متتعرضيش لأشعة الشمس في فحالة ان الكريم لسه علي بشرتك ماجفش.
- بعد الكريم مايجف قومي بغسلة بماء فاتر .
كريم بيزلين لتفتيح المناطق الحساسة
من الكريمات اللي اشتهرت جدا في الدول العرييه الفتره دي و كريم غني بمواد مضادة للأكسدة واللي بدورها هتساعد انها تفتح البشرة ... ويرطب ويناعم ويوحد لون البشرة.
طريقة الاستخدام :
- استخدمية مرتين في اليوم .
- قبل الاستخدام لازم تقومي بتنظيف البشرة والمنطقة الحساسة كويس جدا الخطوة دي عموما اساسيه مع كل كريم .
- في حالة كريم بيزلين بتكون النتيجه احسن لو استخدمتي قبل الكريم صابون بيزلين .
- قومي بوضع الكريم علي المناطق الحساسة بشكل دقيق .
- اتركية حتي يجف ثم قومي بغسلة بماء فاتر .
كريم ميلانو فري لتفتيح المناطق الحساسة
من الكريمات اللي مش بتفتح البشرة بس كمان بتشيل كل الجلد الميت وسعرها مناسب بالمقارنه بكريمات التفتيح المختلفة .
طريقة الاستخدام :
- طبعا اول خطوة معروفه وهي انك تقومي بتنظيف المنطقة الحساسة كويس جدا قبل الكريم .
- بعد كده قومي بتدليك الكريم علي البشرة واستني لمده ساعتين .
- بعد كده اغلسيه بمياه فاتره .
كريم جيسوليد والنشا وماء الورد لتفتيح المناطق الحساسة
- اخلطي المكونات دي سوا .
- استخدميها كريم يومي لتفتيح الاماكن الحساسه وهتلاحظي بشرة زي الاطفال بظبط .
- نصيحه جربي الخليط الاول علي اي جزء في بشرتك عشان تتاكدي ان مفيش اي حساسيه اتجاه المكونات دي .
تفتيح الاماكن الحساسة بالليزر
- مش بيكون وسيلة في انه يقوم بتفتيح الاماكن الغامقة لأنه بيقوم بإزلة الشعر الزائد اللي بيكون من دوره انه بيإثر علي غمقان البشرة في المنطقة الحساسة .
- ده غير ان الليزر بيقوم بتقشير الجلد وتقليل من تصبغات الجلد .
- وده بدوره هيقلل من غمقان البشرة بس مش هيشلها بشكل نهائي .
- هيعالج سبب من الأسباب اللي بتغمق البشرة مش بيعالج الغمقان في حد ذاته نتيجة التفتيح بتكون بسيطة لكن مش بشكل مستمر الا في حالة انك اهتميتي ببشرتك وخصصتي ليها روتين ومع الاهتمام والمستمر تفتح البشرة بنسبة كبيرة .
اي إسمرار في المناطق الحساسة بيكون وراه سبب قبل ما تختاري طريقة تتخلصي منها من الغمقان اعرفي الاول المشكلة فين و لازم تستشيري الدكتور الخاص بيكي عشان تحددي المشكله وبعد كده عالجيها وعندك بدل الطريقة ثلاثة .
تعليقات
إرسال تعليق