كام مرة فكرتي فيها تعملي مشروع لنفسك ، بس مسؤلياتك في بيتك وخصوصاً اطفالك بتمنعك ؟!اكيد فكرتي كتير ، وخصوصاً لو عايزة تعملي كيان لنفسك وتشغلي وقتك بحاجه تفيدك ماديا ونفسيا وحاجه تخلي أولادك فخورين بيكي وبالنجاح اللي بتقدميه.
1 - مشروع حضانة أطفال في المنزل
لو متوفر عندك وقت ومكان يكون مناسب ان الاطفال يقعدوا فتره طويلة في بيتك ومن غير زهق هيكون المشروع ده مناسب معاكي لان تكلفته قليلة وارباحه كتير ، كل اللي عليكي شوية ترتيبات في البيت زي إيه ؟!- لعب و الوان وورق رسم يسلوا الاطفال في الفتره اللي هيقضوها في البيت .
- تفكري في نشاطات تعملوها سوا ويكون ليها جوايز بسيطه تشجع الاطفال .
- تقدري تبدأي المشروع مع اصحابك وجيرانك مبدأيا وفي حالة انك نجحتي في المشروع ده تقدري تفتحي مكان خاص بيكي او عدد الاطفال اللي تهتمي بيهم جوا بيتك يكبر ومكسبك يكبر .
2 - مشروع الطبخ في البيت
من اكتر المشاريع المربحه اللي ممكن تشتغلي فيها لو انتي شايفه ان اكلك مميز وعندك الإمكانيات تقدري تعملي كميات كبيره في وقت قليل ، النوع ده من المشاريع متوفر فيه اكتر من طريقة تعالي نشوف :- تقدري تشتركي في مواقع زي موقع Mumm ، كل االلي عليكي انك هتدخلي وتملي استمارة طلب انك حبه تنضمي ليهم وهما هيتوصلوا معاكي بكل التفاصيل .
- او تقدري تعملي حساب علي اليوتيوب او الفيسبوك تنزلي فيه فيديوهات لواصفات اكل تميزك واكيد اخدنا بالنا ان معظم الشيفات المشهورين دلوقتي كان بدايتهم من الفيسبوك او اليوتيوب .
3 - التسويق الإلكتروني والسيلز من المنزل
في فرق شاسع بينهم ، في السيلز تقدري انك تستلمي منتجات لعميل وتبدأي انك تسوقيها لاصحابك او علي جروب علي الفيسبوك وتاخدي عمولة علي كل منتج يتباع عن طريقك.- معظم الناس اللي شغلهم اونلاين علي الفيسبوك من خلالهم تقدري تتفقي معاهم انك هتبيعي منتجاتهم وهيكون ليكي عمولة علي كل منتج قد ايه .
- موقع إدراك edraak.org .
- جروب سوشيال ميدياوي علي الفيس بوك .
- موقع Edx , يشترط ان تكوني متمكنه في اللغه الانجليزية .
- موقع Udemy , وده موقع كبير جداً في مجال الكورسات الاونلاين . وهتلاقي كورسات مجانيه .
4- الترجمه وربح المال من المنزل
خسارة يكون معاكي لغه ومتستغليش نقطة زي دي تقدري من خلال اللغه اللي معاكي تعملي اكتر من مشروع وانتي في بيتك- تقدري تاخدي كورسات اونلاين ببلاش تعرفي طرق للتدريس وتبدأي تعملي كورسات للتقوية اللغه من بيتك وتعرفي جيرانك واصحابك او من حسابك علي الفيسبوك وتكون دي بدايتك.
- تقدري تترجمي علي مواقع ويكون ده شغل حر ليكي تحددي الوقت اللي تقدري تشتغلي في امتي وتقدري تترجمي كمية قد ايه و النوع ده اسمه شغل freelancer .
5 - التصميم وربح المال من المنزل
لو انتي شاطره في الرسم وتعرفي تتعاملي مع الكمبيوتر او اللاب توب تقدري تنزلي برنامج ال photoshop مبدئيا وتتعلمي ازاي تشتغلي عليه من اي قناة علي اليوتيوب او من نفس المواقع اللي اتكلمنا عنها في حالة التسويق الالكتروني ، اول لما تحسي انك خلاص شاطره وتقدري تعملي designs حلوة و بشكل مبدع اعملي اكونت علي behance اعرضي فيه كل شغلك و في حالة علي حسابك علي فيسبوك او لينكدان اطلب مصمم فوتوشوب بتبدأي تبعتيله حسابك علي موقع behance يشوف شغلك عامل ازاي عشان يبدأ يشتغل معاكي او لو تحبي تشتغلي ك freelancer كمان تقدري تعملي ده بكل سهوله.
6 - مشروع جلسات تنظيف البشرة من المنزل
ولو انتي من البنات المهوسين بتنضيف بشرتهم والاهتمام بها تقدري تشتري اجهزة لتنضيف البشرة وتبدأي انك تعملي جلسات لتنضيف البشرة للبنات من بيتك ، البنات حاليا بقوا مهوسين بالموضوع ده يعني هيكون مربح ليكي جدا ، وده تقدري تبدأي عن طريق صحابك او جيرانك او من حسابك علي الفيسبوك بس الافضل انك تنزلي فيديو تعرضي فيه شغلك وطريقتك لتنضيف البشرة ازاي عشان الناس تشوف بعينها ويبدأ شغلك يكبر اسرع.
بنات كتير تعرف تشتغل وتعمل لبس وشنط واكسسوارات ممكن نستغل نقطة زي دي في انك تعملي صفحة علي الفيسبوك او حساب علي الانستجرام وتبدأي انك تعرضي شغلك بصور تكون بجودة عاليه عشان الناس تعرف تشوف شغلك بالتفاصيل .
وتقدري زي المشروع اللي قبل ده , انك تعملي صفحه او جروب علي الفيس بوك وتضيفي اصدقاءك فيها وتبدأي تبيعي ليهم شغلك .
مواقع ال freelancer اتكلمنا عنها قبل كده اما عن شغل في شركات التسويق تقدري تلاقيه شركات كتير بتطلب ده في مواقع الشغل المتخلفه زي فرصنا و وظف و لينكدان .
7 - مشروع بيع الإكسسوارات من المنزل
تقدري انتي تصممي الاكسسوارات بنفسك والموضوع مش صعب خالص تقدري تتعلميه من اليوتيوب او تقدري انك تشتركي مع حد انك تاخدي منه اكسسورات جمله وانتي تسوقي بيعها .- افضل اماكن تقدري تشتري منها الخامات بسعر حلو وبكميات كبيره هيكون العتبه وحارة اليهود .
- تقدري تبدأي شغلك وتفتحي صفحه خاصه بيكي علي الفيسبوك او تعملي حساب علي الانستجرام .
8 - مشروع الكروشيه والتريكو
بنات كتير تعرف تشتغل وتعمل لبس وشنط واكسسوارات ممكن نستغل نقطة زي دي في انك تعملي صفحة علي الفيسبوك او حساب علي الانستجرام وتبدأي انك تعرضي شغلك بصور تكون بجودة عاليه عشان الناس تعرف تشوف شغلك بالتفاصيل .
وتقدري زي المشروع اللي قبل ده , انك تعملي صفحه او جروب علي الفيس بوك وتضيفي اصدقاءك فيها وتبدأي تبيعي ليهم شغلك .
9 - مشروع تصميم الأزياء والخياطه من المنزل
تبدأي تاخدي كورس في التصميم وتتعلمي ازاي تصممي استايلات مختلفه وتبدأي مشروع زي ده من بيتك كل اللي هتحتاجي تعمليه :- مكان في البيت تقدري انك تشتغلي فيه ويكون في مكن الخياطة الخاص بيكي .
- تقدري تتفقي مع اماكن بيع جمله للقماش في الأزهر والوكالة سعر القماش هيكون ارخص وهيوفر عليكي كتير .
10 - كتابة المقالات من المنزل
لو انتي عندك موهبة الكتابه وبتعرفي تكتبي مقالات و مدونات تشد الناس وطريقتك مبتكره ومختلفة تقدري تشتغلي بإكتر من طريقة :- تقدري تشتغلي كاتبة محتوي لشركة تسويق او لصفحات علي االسوشيال ميديا .
- تقدري انك تشتغلي freelancer في المواقع اللي اتكلمنا عنها .
- تقدري تكتبي مقالات علي مواقع مختلفه .
مواقع ال freelancer اتكلمنا عنها قبل كده اما عن شغل في شركات التسويق تقدري تلاقيه شركات كتير بتطلب ده في مواقع الشغل المتخلفه زي فرصنا و وظف و لينكدان .
تعليقات
إرسال تعليق