سرطان الثدي .. علامات الاصابه و10 طرق للوقاية منه

من وقت انتشار مرض سرطان الثدي وكلنا في خوف علي نفسنا وعلي اللي حوالينا، و نعرف عنه وعن مشاكله ، لكن في مرة
فكرتي تعرفي طرق الوقاية منه إيه ؟

هنقولك تعريف بسيط للمرض وإزاي تقدري تحمي نفسك واللي بتحبيهم من مرض لعين زي مرض سرطان الثدي .

سرطان الثدي وعلاماته

 نوع من أنواع السرطان يظهر في أنسجة الثدي من علاماته :

• تغير في شكل الثدي 
• ظهور كتلة في الثدي 
• تقشير الجلد
• سائل قادم من الحلمة 
• حلمة مقلوبة حاديثا
• بقع حمراء ومتقشرة 

في طرق كتير للوقايه من مرض السرطان اختارنا ليكي اسهل الطرق اللي تقدري تستخدميها وتحمي نفسك وتمارسيها كل يوم من ضمن روتينك اليومي .

طرق الوقاية من سرطان الثدي

1 - الخضار :
مفيش بيت خالي منه وبأنواع كتير ومختلفه ضيفي  في روتين يومك انك كل يوم تاكلي كميه مناسبة من الخضار زي
مثلا البروكلي والسبانخ وغيرهم .

2 - الرياضة :
وهنقولك علي ابسط رياضة في التاااريخ وهي رياضة المشي .. ايوة بظبط كده تقدري كل يوم تمشي ساعه وبكده تكوني مارستي رياضة و جسمك بقي صحي .

3 - الشاي الاخضر :
لو كل يوم شربتي كوبايه من الشاي الأخضر بكده تقدري تحمي نفسك لانه بيحتوي علي مواد مضادة للأكسدة ..

إقرأي ايضاً : الشاي الاخضر وفوائده .. دراسات تؤكد دورة في الحمايه من السرطان

 4 - المشروم :
تقدري تاكلي المشروم ني او تدخليه في الاكل بطرق كتير مختلفة في الحالتين هيساعدك عشان تحمي نفسك ..

5 - النشويات :
نبعد عنها علي قد ما نقدر ومش بس يحميكي من مرض السرطان ده صحي عشان تحفظي علي وزنك كمان ....

6 - شرب المياه :
كل يوم لو شربتي كمية مناسبه من المياه هتقوم بطرد اي مواد ضارة من الجسم وبالتالي هتحمي نفسك من امراض كتير مش سرطان الثدي بس .

7 - الشمس :
معروف ان اشعه الشمس مفيدة للجسم ولكن مش في كل الاوقات حاولي تبعدي عن اشعه الشمس في الوقت بين الساعه 10 ل 4 لان اشعه االشمس بتكون قوية وضارة مش هتفيد جسمك وممكن تكون سبب في الاصابة بمرض السرطان ...

8- حمض الفوليك :
حمض الفوليك موجود في إكلات كتير عدي معايا : اللحوم زي الكبده و البقوليات زي العدس وفواكه زي الموز والفراولة يعني مفيش اسهل من كده.

9 - فيتامين ب 12 :
تقدري تلاقي فيتامين ب 12 في البيض او اللبن او الفراخ او تعملي تحاليل فيتامينات وفي حاله نقص الفيتامين تقدري تاخديه اقراص فيتامين من اقرب صيدلية ليكي ...

10 - الكشف الطبي : 
خلي وقت لنفسك عشان تحافظي عليها وخصوصا بعد عمر الاربعين حاولي انك تتابعي مع الدكتور 

الخاص بيكي اول باول .

كده وصلنا لأخر طريقه تقدري من خلالها انك تحمي نفسك من  مرض السرطان وتقدري انك  تحمي صحتك في العموم كمان صحتك غاليه وتستاهل انك تحفظي عليها مش عشانك بس عشان كل اللي بيحبوكي وعايزينك ومحتاجينك معاهم ..

فيديو عن سرطان الثدي