إشتغلي علي نفسك و إنتي ساكته.
- يعني إيه الكلام ده ؟ إنتي قصدك إيه ؟ً
بالمختصر المفيد الحاله النفسيه اللي بتكوني فيها من وقت للتاني إنتي مسؤله عنها بنسبه كبيره جدا.
⁃ يعني إيه ؟ أنا اللي بزعل نفسي ؟
لا ياستي انتي فهمتيني غلط !! قصدي فهمتيني صح!!
- يعني إيه الكلام ده ؟ إنتي قصدك إيه ؟ً
بالمختصر المفيد الحاله النفسيه اللي بتكوني فيها من وقت للتاني إنتي مسؤله عنها بنسبه كبيره جدا.
⁃ يعني إيه ؟ أنا اللي بزعل نفسي ؟
لا ياستي انتي فهمتيني غلط !! قصدي فهمتيني صح!!
مين المتحكم في حالتك النفسية ؟
هفهمك إنتي لما بتكوني في اي موقف ؛ شوفي إنتي عايزه إيه، تزعلي ؟ و لا تعملي نفسك مش من هنا ؟أفهمك اكتر؛ الحاله المزاجيه و طريقه تحليل المواقف هي اللي بتساعدك في كده، لو عايزها نكد طريقه تفكيرك هتقلب عليكي المواجع و هتبقي ليله سودا و لو عايزه تبقي مبسوطه برضه طريقه تفكيرك هي اللي هتظقططك 🤪 .
⁃ طيب اعمل ايه عشان المواقف الصعبه تعدي و متبقاش ليله سودا ؟
متدوريش ورا النكد بمعني ، ممكن كلمه او طريقه كلام بسيطه جدا لو اتقالت بطريقه مريحه للي حواليكي هتنجيكي من سيناريو طويل انتي في غني عنه.
نصائح للشعور بالراحة النفسية
- لازم تعملي الحاجات اللي بتفرحك وبتحسسك إنك مهمه، لو يومك دايما متظبط هتبقي مبسوطه.
- لو بتحبي القرايه ، إقري كل يوم صفحه مش هنفتري، لو مش بتحبي القرايه يبقي لازم تجددي معلوماتك من باب العلم بالشئ.
- مش كله ضرب ضرب لازم شويه تفاهه كده في النص ؛ هوي الطاسه شويه.
- لو إنتي مش راضيه عن شكلك و لبسك لازم تحبي نفسك و تخصصي وقت و مجهود لكده عشانك إنتي في المقام الأول ، صحتك يا مدام ... صحتك يا آنسه.
- لو بتحبي اكله معينه و البيت كله بيكرها ، لازم تعمليها يوم و ترضي نفسك مش لازم تتوحمي ياعني عشان تاكلي اللي نفسك فيه.
كل جروبات السوشيال ميديا دلوقتي بتعرض كميه مشاكل خزعبليه متعلقه بتخلي الراجل عن الست ؛ سبب رئيسي انك نسيتي نفسك في دوامه الحياه و اديتي حق للطرف التاني انه يطفش.
طول مانتي فاكره نفسك سوبر هيرو و بتعملي كل حاجه و نسيتي تشتغلي علي نفسك و تطوريها هتحولي نفسك لماكينه عطاء لما تعطلي مش هتلاقي اللي يعملك صيانه ، هتلاقي نفسك لامؤاخذه علي الرف، لكن لو عرفتي قيمتك من الاول و إنك فرد مهم حدا في الاسره و لازم تكوني سعيده هتقدري تسعدي كل اللي حواليكي من غير ماتحسي انك ضيعتي عمرك هدر.
شوفي دايما ان مهما دوامه الحياه هتخدك لازم تكون مؤقته ، انزلي منها افصلي شويه كده و اشحني البطاريه، فرفشي نفسك محدش واخد منها حاجه عشان تعرفي تفرفشي اللي حواليكي.
متستنيش حد يشجعك، لازم تشجعي نفسك الاول و بعد كده هتلاقي الكل بيبص عليكي و هتفاجئيهم كلهم. أوعي تبقي سوبر و تشيلي كل حاجه ، وزعي الادوار و التمسي الاعذار.
الحياه مش عطاء للاخرين بس، لازم تحبي نفسك و ترضيها و تديها اللي تستحقه بجد عشان تعرفي تدي اللي حواليكي بحب و رضا، و مش لازم الشارع كله يعرف إنتي بتعملي إيه و منظمه حياتك إزاي.
إشتغلي علي نفسك و إنتي ساكته🤗
◦
تعليقات
إرسال تعليق