اتكلمنا عنك وعن كل لحظه هتعيشيها شهر بشهر من اول لما تعرفي انك هتكوني أم و ايه الاعراض اللي هتحسي بيها وازاي تهتمي بنفسك .
انهاردة كلامنا هيكون عن طفلك وكل شهر بيحصل إيه بظبط وازاي تهتمي بطفلك وبصحته من اول لما روحه تتخلق جواكي .
مراحل نمو الجنين في الشهر الأول
بتحصل تغيرات داخل االرحم وخصوصاً في الاسبوع الثالث والرابع والتغيرات دي زي إيه ؟!
تطورات الجنين في الشهر الأول
- ينمو كيس حول الجنين، ويتحول جزء من الكيس للمشيمة، ودورها انها تنقل التغذية من الأم إلى الطفل، ده غير انها بتنقل الفضلات من الطفل.
- بيتجمع السائل جوا الكيس حول الجنين، دوره إنه يحمي طفلك طول فترة نموه في الرحم.
- بتحصل تتطورات مهمة في الجنين في الأسبوع الثالث بيحصل نمو للدماغ، والحبل الشوكي، والقلب، والجهاز الهضمي.
- في الاسبوع الرابع يبدأ الوجه في التكوّن بشكل مبدأي طبعا ، بتتكون دوائر سوداء للعيون، ويتكون الفم، والفك السفلي، والحلق.
- تتشكل خلاليا الدم الخاصة بالجنين، وتبدأ الدورة الدموية في انها تعمل .
- وفي آخر الاسبوع الرابع ، يكون حجم طفلكِ حوالي ربع بوصة، يعني اصغر من حبة الأرز.
مراحل نمو الجنين في الشهر الثاني
يبدأ الجنين إنه يتشكل بصورة سريعه وواضحه وبتحصل تغيرات كتير في الشهر الثاني والام بتكون حاسه بها زي إيه ؟!
تطورات الجنين في الشهر الثاني
- طول الجنين بيكون من 4ل6 ملي ، والرأس بتنمو بصورة اسرع بالنسبة لباقي الجسم .
- بتتكون الاطراف العلوية و السفلية وتتطور ونمو القلب والكبد والكليتين .
- هيبدأ الطفل انه يتحرك لكن حركه مش هتحسيها لسه .
مراحل نمو الجنين في الشهر الثالث
تطورات الجنين في الشهر الثالث
- في آخر الشهر الثالث بتتشكل الساقين والقدمين للجنين وبتتكون الاصابع وبيكون قادر ان يفتح ايده ويقفلها في الوقت ده .
- بتتشكل الآذان الخارجية للجنين .
- بيحصل تطور لأظافر الجنين .
- تطور الأعضاء التناسلية للجنين، ولكن صعب تميز نوعه .
- تعمل الدورة الدموية للجنين بشكل منتظم.
- يبدأ الجهاز البولي إنه يشتغل كما يقوم الكبد بإنتاج الصفراء.
- في نهاية الشهر الثالث، يكون حجم الجنين حوالي 3 ل4 بوصة، يعني في حجم ثمرة الليمون البنزهير.
مراحل نمو الجنين في الشهر الرابع
تطورات الجنين في الشهر الرابع
- تتشكل بصمة أصابع الجنين، ده غير ان الضرب من هنا هيبدأ .
- والمص بأصبعه، وانه يكشر ويضحك بوجهه.
- يبدأ نمو البنكرياس بالاكتمال، كما تنتج هرموناتها.
- تصبح عظام الجنين أكثر قوة.
- يكون طول الجنين بين 13 إلى 14سم، ووزنه حوالي 5 أونصات.
- يكتمل نمو تفاصيل جسم الجنين.
مراحل نمو الجنين في الشهر الخامس
تطورات الجنين في الشهر الخامس
- ينمو شعر الجنين ناعماً على فروة رأسه، وينمو شعر الحواجب.
- بيحصل تتطور في براعم التذوق الخاصة بالجنين، دلوقتي يقدر ان يمييز الطعم الحلو والمر.
- يتم تغطية جلد الجنين بطبقة بيضاء تسمى “فيرنيكس كيسوسا”، بتحمي جلد الجنين من التعرض الطويل للسائل الذي يحيط به في الرحم.
- بيحصل تطور في الأجهزة الحسية للجنين، ويكون قادراً على سماع صوتكِ .
- بتكون شبكة العين حساسة للضوء، في حالة تسليط ضوء علي البطن، هيبعد عنه الجنين.
مراحل نمو الجنين في الشهر السادس
تطورات الجنين في الشهر السادس
- يبدأ الطفل باستبدال مظهره الطويل والنحيل بمظهر أكثر امتلاء ، وبشرته بتكون ناعمه اكتر وشكله بيكون زي الاطفال حديثي الولادة .
- يبدأ يتفاعل مع الاجواء اللي بتحصل حواليه ويقوم بردود فعل زي القفز والركل .
- وتبدأ فتحتا الأنف بالتوسع، ويصبح فمه وشفتاه أكثر حساسية.
- وخلال هذا الأسبوع يفتح الطفل عينيه للمرة الأولى، وهتقدر الام تميز اذا كان نايم ولا صاحي من خلال حركته.
مراحل نمو الجنين في الشهر السابع
تطورات الجنين في الشهر السابع
- تنصح الدكتره الأم انها تتابع ركلات طفلها في اليوم بتكون 10 علي الاقل لمدة ساعتين او تلاته ركلات علي الاقل كل نص ساعه.
- العظام في راس الطفل مش بتلتحم مع بعض حتي الولادة عشان تسهل عملية الولادة .
- السمع للطفل بيكون اكتمل بصورة كامله عند الطفل في الشهر السابع .
- في نهاية الشهر السابع يبدأ الطفل انه ياخد وضع الولاده وهو ان يكون الرأس للاسفل .
مراحل نمو الجنين في الشهر الثامن
تطورات الجنين في الشهر الثامن
- يبلغ وزن الطفل حوالي أكثر من 2.1 كيلو جرام ، وطوله حوالي 45 سنتيمتر.
- وفي ابحاث بتقول أن الطفل قد يهدأ من نفس الأغاني او حسب ما تعوديه يسمع في الرحم بعد ولادته.
- سمع الطفل الآن يكون أكثر تطوراٍ،
مراحل نمو الجنين في الشهر التاسع
تطورات الجنين في الشهر التاسع
- رئة الطفل تكون مكتملة النمو في الشهر التاسع، وعلى استعداد لأخذ النفس الأول عند الولادة.
- يكون الطفل مكتمل النمو تقريباً في الشهر التاسع وعلى استعداد أن يولد. أي تطورات أخرى في الرحم ستكون بسيطه ، زيادة نمو شعر الطفل وأظافره لفترة أطول.
- الجهاز الهضمي للطفل غير ناضج ، وغير جاهز للأغذية الصلبة حتى حوالي عمر ال6 شهور .
فيديو مراحل نمو الجنين
كل لحظه بتمر عليكي من اول شهر في حملك لحد ما طفلك يجي للدنيا من مسؤليتك , اكلك وشربك و صحتك النفسية كله هيإثر علي روحين مش روح واحده ، اهتمي بنفسك وبصحة ابنك بإنك تتابعي مع دكتور صح تكوني مطمنة معاه علي صحتك وصحة طفلك.
تعليقات
إرسال تعليق